Asterix eta pertza

Asterix eta pertza
Jatorria
Egilea(k)	René Goscinny eta Albert Uderzo
Argitaratze-data	1969
Izenburua	Astérix et le Chaudron
Jatorrizko herrialdea	Frantzia
Ezaugarriak
Hizkuntza	frantsesa
Telesaila	Asterix
Fikzioa
Kontakizunaren tokia	Galia
ikusi Asterix, Obelix, Idefix eta Whosemoralsarelastix (en)
Fikzio-unibertsoa	Asterix universe (en)
kronologia
←Asterix Olinpiar Jokoetan Asterix eta pertza →Asterix Hispanian

Asterix eta pertza (frantsesez: Astérix et le Chaudron), Asterixen abenturak kontatzen dituen komikietako bat da, Goscinny eta Uderzoren artean eginiko 13.a. Lehen aldiz, Pilote aldizkarian argitaratu zen, 1968ko urriak 31n. Liburu bezala, abentura hau, 1969an argitaratu zen Frantzian, lehenengo aldi horretan, 1.100.000 ale salmentan jarriz. Salvat argitaletxeak 2017an argitaratu zuen Maddalen Arzallusen itzulpena.

Istorioa

Moralelastix buruzagi galiarrak, Asterixi, sestertzioz beteriko pertz bat zaintzeko lana ematen dio, dirua, Erromatar Inperioko zerga-biltzailearen eskuetan eror ez dadin. Asterixen zaintzapean, dirua lapurtu egiten dute, soilik pertza hutsik geratuz, tipula zopa usainarekin. Egoerak, beste buruzagi galiarraren aurrean Asterixen herrixkaren ohorea konpromiso batean jartzen duenez, Asterix erbesteratua da, desagertutako dirua itzuli ezean. Obelixek, bere burua erbesteratzen du, eta bere lagunari laguntzen dio pertza berriz diruz betetzeko eta Asterixen akatsa konpontzeko.

Asterix eta Obelix, dirua berreskuratzen saiatzen dira, modu ezberdinetan, baina arrakastarik gabe. Horien artean, piratak jipoituz, behingoagatik bada ere, negozio ondratu bat ezartzen saiatzen ari zirenak, euren itsasontzia jatetxe bihurtuz. Bikotea, basurde salmentarekin ere saiatzen da, borrokarekin, aktore gisa, jokoarekin eta baita banketxe bat lapurtzen saiatuz ere, erromatarren zerga igoeraren ondorioz, dirurik gabe geratu dena.

Azkenean, zerga-biltzaile erromatar batekin topo egiten dute, honi lapurtzen diotelarik, baina, dirua Moralelastixi eramatera doazenean, Asterixek, txanponetan, usain bitxi bat nabaritzen du. Pertza, aldez aurretik, tipula zopa prestatzeko erabili zen, eta zerga-biltzaileak kobratutako txanponei, usain hori bera zerieten.

Asterix eta Obelix, Moralelastixen herrixkara abiatzen dira, kostaldean, amildegi batean dagoena. Asterixek Moralelastixi aurre egiten dio, Moralelastixek bere diru propioa lapurtu duela, erromatarrekin harreman onak izaten jarraitzeko zergak ordaindu dituela eta Asterix eta Obelix diru hori berreskuratzeko erabili dituela jakiten baitu. Ondoren, Obelix eta herrixkako jendearen arteko borroka bat gertatzen da, eta Asterix eta Moralelastixen artean, pertza amildegitik eroriz amaitzen dena, honela, eszena amaituz.

Baina dirua piraten itsasontzian erortzen da, behingoagatik bada ere, ondo amaitzen dutelarik. Asterix eta Obelix euren herrixkara itzultzen dira garaile.

Pertsona ospetsuen irrimarrak

• Goscinny eta Uderzok eurek, agerraldi labur bat egiten dute antzezlana ikustera doan publikoaren zati bezala.
• Zergabiltzailea, Valéry Giscard d'Estaingen irrimarra bat da, komiki hau idatzi eta argitaratu zen garaian, Frantziako Ekonomia Ministroa zena, eta, ondoren, Frantziako Presidentea izan zena.

Kanpo estekak

• Datuak: Q748360

Aurrekoa Asterix Olinpiar Jokoetan

Asterixen abenturak 1969

Ondorengoa Asterix Hispanian